«Биыл 300 шақырым жол жөнделеді, бұл өткен жылғымен салыстырғанда 2,7 есеге артық. Осы мақсатқа 10,6 млрд теңге бөлінді. Жұмыс құрамын жергілікті қамту - 100%. Жоба қазіргі заманғы технологияларды, соның ішінде «кәдеге жарату» («ресайклинг») әдісін белсенді түрде қолданады», - деп хабарлады облыс әкімі.
Бердібек Сапарбаев жөндеу-құрылыс жұмыстары жүріп жатқан «Ақтөбе-Орск», Ақтөбе қаласының оңтүстік айналма жолы, «Шұбарқұдық-Ойыл-Қобда-Соль-Илецк», «Донское-Бадамша-Ақтөбе-Орск», сондай-ақ Ақтөбе қаласынан АФЗ аймағына шығатын жол өткелі құрылысы сынды ірі жобаларға ерекше тоқталды.
Сонымен қатар, биылғы жылы «Ақтөбе-Атырау - Астрахань (Ресей Федерациясы шек.) автожолын қайта жөндеу жұмыстары жүргізілмек.