420 жолаушысы бар ресейлік ұшақ шұғыл түрде Ақтөбе әуежайына қонды
Түркияның Анталия қаласынан Ресейдің Екатеринбург қаласына бағыт алған ұшақтан техникалық ақау шығып, Ақтөбе әуежайына шұғыл қонды. Бортта 420-ға жуық адам болды, деп хабарлайды ҚазАқпарат тілшісі.
Фото: Ақтөбе халықаралық әуежайы
Бүгін сағат 05:27-де Анталия-Екатеринбург бағытындағы ұшақ Ақтөбе әуежайына қонды. Ұшақта техникалық ақау болды.
«Red Wings» әуе компаниясының Boeing 777 ұшағында 420-ға жуық адам болды.
Қазіргі кезде оларға өзге ұшақ келген.
«Жолаушыларды отырғызу жұмысы жүріп жатыр. Бұл Анталиядан Екатеринбургке бағыт алған ұшақ. Биыл 3-4 жағдай тіркелді осындай. Таяуда Шарм-эль-Шейхтен де қонды»,- деді Әлия Молдағұлова атындағы Ақтөбе халықаралық әуежайы басқарма төрағасының міндетін атқарушы Дастан Малиев.
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.