Абай облысында қылмыстық топ орманнан 500 млн теңгенің ағашын ұрлаған

СЕМЕЙ. KAZINFORM – Абай облысында полицейлер орманнан ағаш ұрлап келгендердің қылмыстық схемасын әшкереледі. 

Облыстық ПД ұйымдасқан қылмысқа қарсы күрес басқармасының қызметкерлері қарағай көшеттерін ұрлап келгендерді ұстады. 

– Қылмыстық топтың құрамына жергілікті тұрғындар мен «Семей орманы» мемлекеттік табиғи резерватының бұрынғы қызметкерлері кірген.​ Жүргізілген іс-шаралар нәтижесінде Павлодар облысында 38 жастағы ұйымдастырушы мен оның сыбайластары ұсталды. Олардың барлығы қамауға алынды, - дейді ІІМ ұйымдасқан қылмысқа қарсы күрес департаментінің өкілі Қуандық Алпыс.

Жалпы саны 260 мыңнан астам көшет тәркіленді. Олардың құны 500 млн теңгеден асады. Осы ретте, ішкі істер министрлігі орман қорын заңсыз кесу, жою және ұрлау ел экологиясына орасан зор зиян келтіретінін еске салды. 

Бұған дейін Абай облысында 753,1 мың гектарға ауыл шаруашылығы дақылдары егілгені жайлы жазғанбыз.