Облыстық полиция департаменті баспасөз қызметінің мәліметіне сүйенсек, қазіргі уақытта өңір аумағында шетелдік көліктерді заңдастыру рәсімі жалғасып жатыр.
«Шетелдік көліктерді заңдастыру осы жылдың 23 қаңтарынан бастап жүргізілуде. 1 шілдеге дейін өтінім берген азаматтар автокөлігін заңда бекітілген талаптарға сәйкес заңдастыра алады. Бүгінгі таңда Абай облысында жалпы саны 4000-нан астам көлік заңдастырылған. Тағы 100-ден астамы тіркеуді күтіп отыр», - делінген ақпаратта.
Сондай-ақ 22 мамырдан бастап осы уақытқа дейін 923 конструктор көлік есепке алынған.
Еске салсақ, мамыр айының аяғында Шығыс Қазақстан облысында 29 конструктор көлік заңдастырылғаны хабарланған еді.