АСТАНА. KAZINFORM — Қазақстан құрамасының дзюдошысы Абылайхан Жұбаназар Әзербайжанның Баку қаласында өтіп жатқан әлем чемпионатының ширек финалында жеңіске жетті.
81 келіге дейінгі салмақ дәрежесінде өнер көрсеткен отандасымыз 2024 жылғы Париж Олимпиадасының қола жүлдегері, Оңтүстік Корея өкілі Ли Ын Хваннан басым түсті.
Жартылай финалда Абылайхан Жұбаназар Әзербайжан дзюдошысы Зелим Цкаевпен кездеседі.
Еске салайық, бұған дейін Жалғас Қайролла (81 келіге дейін) жарыстың үшінші айналымына өткенін жазғанбыз. Алайда ол сербиялық Михайло Симинге есе жіберіп, жарыс жолын аяқтады.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.