АСТАНА. KAZINFORM — Қазақстандық дзюдошы Әділжан Жаудинов Ташкентте (Өзбекстан) өтіп жатқан жасөспірімдер арасындағы әлем чемпионатының финалдық кезеңінде бақ сынады.
Жерлесіміз 100 келіден жоғары салмақта қола жүлде үшін күресті.
Әділжан шешуші белдесуде Эстония өкілі Марек-Адриан Масакпен кездесіп, қарсыласына жол берді. Осылайша ол әлем чемпионатын бесінші орынмен аяқтады.
Айта кетейік, ұлттық құраманың қоржынында бір алтын, бір қола медаль бар.
Бұған дейін Санжар Ерұланұлы жеңімпаз атанса, Асқар Біржанов (100 келі) үшінші орын алған еді.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.