АЛМАТЫ. KAZINFORM – Күн райы бұзылып, қалың қар түсуіне байланысты Air Astana әуекомпаниясының Алматыдан ұшатын рейстері кешіктіріліп жатыр. Бұл туралы әуекомпания мәлім етті.
— Air Astana әуекомпаниясы Алматыдан ұшатын рейстердің қалың қар жаууына байланысты кешіктірілетінін хабарлайды. Қар ұшақтарды мұзға қарсы өңдеу жұмыстарына кедергі келтіреді. Әуежайға шықпас бұрын рейс статусын әуекомпания сайтынан тексеріп алуыңызды сұраймыз, — делінген хабарламада.
Еске сала кетейік, бұған дейін Air Astana ұшағы Алматыдан Ақтөбеге ұшпай қалғанын жазған болатынбыз.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)