КӨКШЕТАУ. ҚазАқпарат - 2021 жылдың бірінші жартыжылдығында Ақмола облысында 3 миллион 988 169 мың мемлекеттік қызмет көрсетілді. Бұл туралы Ақмола облысы бойынша Мемлекеттік қызмет істері департаменті Мемлекеттік қызметтер басқармасының басшысы Әділбек Мұхамеджанов мәлім етті, деп хабарлайды ҚазАқпарат тілшісі.
Басқарма басшысының айтуынша, бүгінгі таңдағы басым міндеттер азаматтардың өтініштерін сапалы қарау, мемлекеттік қызмет көрсету сапасын арттыру, электрондық форматтағы қызметтер үлесін арттыру болып отыр.
«Жалпы, электрондық форматта көрсетілген қызметтер үлесінің артуының оң динамикасы байқалады: егер ағымдағы жылдың І жартыжылдығында электрондық қызметтердің үлесі 94,3 пайыз болса, өткен жылдың сәйкес кезеңінде бұл көрсеткіш 93 пайызды құрады» - деп атап өтті Әділбек Мұхамеджанов.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.