ПД Жергілікті полиция қызметінің бастығы Серік Баймұқановтың айтуынша, ақпанның 7-9 күндері өңірде ауа райы күрт бұылатыны ескертілді. Осыған байланысты ПД жеке құрамы күшейтілген режимде жұмыс істейді.
«Өңірдегі республикалық және облыстық маңыздағы күре жолдардың бойындағы елді-мекендерден шыға берісте жол-көлік оқиғасын алдын алу және төтенше жағдайларды ескерту үшін полицияның 52 бекеті орналастырылды»,-дейді ведомстводан.
Қазіргі кезде, ауа райының күрт бұзылуы және қардың қалың түсуіне байланысты «Нұр-Сұлтан-Петропавл», «Көкшетау-Атбасар», «Нұр-Сұлтан-Ерейментау-Шідертті», «Щучье-Зеренді», «Нұр-Сұлтан-Қорғалжын» және «Нұр-Сұлтан-Қостанай облысы шекарасына дейін» аумақта көліктің барлық түрі үшін көлік қозғалысына шектеу қойылды.