Экология және табиғи ресурстар министрлігінің хабарлауынша, өрт ошағы уақытылы анықталып, оны сөндіруге қажетті күштер мен техника жедел жұмылдырылған. Қазір мамандар өртті оқшаулап, толық сөндіру жұмыстарын жүргізіп жатыр.
— Өртпен күреске мемлекеттік орман күзетінің 6 техникасы мен 13 қызметкері, сондай-ақ «Қазавиаорманқорғау» РМҚК-ның 4 әуе десантшысы және су төгетін құрылғымен жабдықталған бір тікұшақ тартылды, — делінген ведомствоның баспасөз қызметі таратқан хабарламада.
Қосымша күш ретінде оқиға орнына мемлекеттік орман күзетінің тағы 4 техникасы, Төтенше жағдайлар департаментінің 8 техникасы мен 21 қызметкері, сондай-ақ су төгетін құрылғымен жабдықталған Ми-8 тікұшағы жіберіліп жатыр.
Министрлік өкілдерінің мәліметінше, өрттің дер кезінде анықталуы мен орман күзетінің жедел әрекеті қажетті күштерді оқиға орнына уақытылы жеткізуге мүмкіндік берген.
Еске салайық, 7 қыркүйекте еліміздің мемлекеттік орман қоры аумағында төрт орман өрті тіркелгенін хабарлағанбыз.