Ақмолада жарылғыш зат саудалаған күдікті ұсталды
Ведомствоның мәліметінше, күдіктінің жарылғыш затты сатумен айналысқандығы туралы ақпарат 2019 жылдың сәуір айында түскен. Жедел іздестіру шарасы барысында Ақмола облысының ПД Криминалдық полиция басқармасы бөлімшесінің қызметкерлері экстремизмге қарсы іс-қимыл бойынша департаменттегі әріптестерімен бірге Степногорск қаласының 33 тұрғынын ұстады.
«Күдікті тау-кен металлургия комбинатында жұмыс істеген және жарылғыш заттарды саудалаумен айналысқан. Ер адам «Петроген - П д.34 мм» жарылғыш затының 40 данасын сату кезінде қолға түсті. Тәркіленген зат сараптамаға жіберіліп, жарылғыш зат екені расталды.
Қазіргі кезде, осы оқиғаға байланысты ҚР ҚК 291 бабының 3 бөлігі (қару, оқ-дәрі, жарылғыш зат және жарылғыш құрылғы сақтау немесе бопсалау) бойынша іс қозғалып, сотқа дейінгі тергеу амалдары жүргізілуде», дейді ведомствоның баспасөз қызметіндегілер.