ОРАЛ. ҚазАқпарат – Ақсай қаласында пәтердегі өрт орнынан үш адамның мүрдесі табылды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға 11 ақпан күні сағат 03.30 шамасында Ақсайдағы көпқабатты үйлердің бірінде орын алды.
Жанған пәтерден 1977 және 1990 жылғы ер адамдардың, сондай-ақ 1996 жылғы қыздың денесі табылды.
Марқұмдардың мүрделері сот-медициналық сараптамаға жіберілді.
Аталған дерек ҚР ҚК 202-бабына сәйкес сотқа дейінгі тергеудің бірыңғай тізіліміне тіркелді.
Қазіргі кезде оқиғаның жай-жапсары анықталу үстінде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).