ОРАЛ. ҚазАқпарат – Ақсай қаласында жоғалып кеткен 5-сынып оқушысы аман-есен табылды, деп хабарлайды ҚазАқпарат тілшісі.
БҚО полиция департаментінің баспасөз қызметінен мәлім еткендей, оқиға 27 ақпан күні кешкісін болған.
«Ақсайдағы №6 мектеп-лицейдің 5-сынып оқушысы Алан Мерғалиев білім ордасынан сағат 19.15-те шыққаннан үйіне оралмаған. Баланы іздестіру іс-шараларына бүкіл жеке құрам жұмылдырылды. Соның нәтижесінде оқушы 28 ақпанға қараған түнгі сағат 00.20 шамасында аман-есен табылды. Толық ақпарат кейін беріледі», - деп хабарлады ведомстводан.
Еске сала кетейік, бұдан бұрын Батыс Қазақстанда жасөспірімдер қылмысының екі есе өскенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).