НҰР-СҰЛТАН. ҚазАқпарат – Қазақстандағы АҚШ елшісінің міндетін атқарушы Джуди Куо отандастарымызды астана күнімен құттықтап, қаладағы сүйікті орындарын көрсетті, деп хабарлайды ҚазАқпарат тілшісі.
Елші міндетін атқарушы Джуди Куо «Happy Capital Day» деп құттықтай отырып, 1 минуттық видеоролик ұсынады. Онда Нұр-Сұлтан қаласының бірнеше нысаны көрініс тапқан. Атап айтқанда, «Бәйтерек» монументі, «Астана балет» театры, «Кенесары» ескерткіші, Есіл өзенінің жағалауы, мешіт, «Ханшатыр» ойын-сауық орталығы және «Атырау көпірі» көрсетілген.
Ролик Қазақстандағы АҚШ елшілігінің әлеуметтік желісінде жарияланды.
Видеодан алынған кадр
Дәулет Ізтілеу
Ы.Алтынсарин атындағы Арқалық мемлекеттік педагогикалық институтының түлегі. Бұған дейін "Қазконтент" АҚ e-history порталында тілші, "Елорда инфо" ақпарат порталында тілші болған. 2018 жылдан бері Kazinform халықаралық ақпарат агенттігінің тілшісі.