2022 жылдан 2026 жылға дейінгі кезеңдегі мыңдаған клиникалардың деректеріне негізделген Guidepoint Qsight жаңа есебіне сәйкес, ер адамдар эстетикалық процедуралар нарығында маңызды аудиторияға айналып барады.
2026 жылдың үшінші тоқсанында ер адамдардың бір процедураға жұмсайтын орташа шығыны 529 долларға жетті, ал әйелдер орта есеппен 455 доллар жұмсайды. Бұл айырмашылық ер адамдарға арналған өнімдердің қымбаттауына байланысты емес, оларға процедуралық өнімдер әйелдерге қарағанда 10-15%-ға көп жұмсалады.
Әсіресе АҚШ-тың батысында ер адамдардың нейротоксиндерге жұмсайтын шығындары 40%-ға дейін жетеді, ал әйелдер жалпы шығынының 30%-ын жұмсайды. Ал Орта Батыс пен Солтүстік-Шығыс штаттары эстетикалық емханалар үшін жаңа ер клиенттерді тартатын перспективалы аймақтар болып отыр.
Жас жағынан, X буынға жататын (1965 жылдан 1980 жылға дейін туған) ер адамдар көш бастап тұр, миллениалдар (1981 жылдан 1996 жылға дейін туғандар) да Х буынды қуып келеді. Өйткені олар қазірдің өзінде осы қызметке жүгінетін ер азаматтардың 36%-ын құрайды. Z буын (1995 жылдан 2010 жылға дейін туған) мен миллениалдар нейротоксинге алғаш жүгінген жаңа пациенттердің жартысынан көбін құрап отыр. Бұл жастар арасында да эстетикалық медицинаға деген қызығушылықтың артқанын көрсетеді.
2026 жылғы сұраныстың өсімі уақытша құбылыс болуы да мүмкін. Ал егер бұл үрдіс келесі тоқсандарда да жалғаса берсе, емханалар әзірге сұраныс аз штаттарда да маркетингді күшейтуге дайын отыр.
Айта кетейік, АҚШ ғалымдары темекіні тастаудың тиімді тәсілін анықтады.