АСТАНА. ҚазАқпарат – АҚШ-та ерлер және әйелдер арасында 9 наурызда басталатын Индиан-Уэллс мастерс турнирінің жеребесі тартылды, деп хабарлайды ҚазАқпарат тілшісі.
Қазақстан теннис федерациясынан мәлім еткеніндей, еліміздің бірінші, әлемнің 10-ракеткасы Елена Рыбакина жарысты екінші айналымнан бастайды.
Елена бастапқы кездесуін қос америкалық Слоан Стивенс – Софья Кениннің қай жеңгенімен өткізеді.
Әлемнің 42-ракеткасы Юлия Путинцева алғашқы айналымда дүниежүзілік рейтингте 76-орында тұрған чехиялық Каролина Муховамен кездеседі.
Жұптық сында Қазақстан намысын Анна Данилина қорғайды.
Ерлер арасындағы Индиан-Уэллс додасында Қазақстанның бірінші, әлемнің 46-ракеткасы Александр Бубликтің қарсыласы кейін анықталады. Ол іріктеу сайысы жеңімпаздарының бірімен ойнайды.
Еске сала кетейік, бұдан бұрын Астанадағы жарыстың іріктеу сатысында бес қазақстандық теннисшінің бақ сынайтынын жазған болатынбыз.
Сондай-ақ қазақстандық теннисшілердің әлемдік рейтингтегі орындары анықталды.
Астанадағы турнир қазақстандық теннисшілер үшін сәтсіз басталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).