АҚШ-тың батысы мен оңтүстігіндегі су тасқыны: 18 адам қаза тапты
АСТАНА.KAZINFORM — АҚШ-та бірнеше күннен бері толассыз жауған жаңбыр салдарынан өзендердегі су деңгейі көтеріліп, су тасқыны күшейіп, елді мекендерді су басу қаупі артты, деп хабарлайды Euronews.
Кентукки астанасы Франкфорт қаласы су астында қалды. Құтқарушылар үрлемелі қайықтармен ел астанасының су басқан көшелерін аралап жүр. Сондай-ақ жұмысшылар үйлер мен кәсіпорындарды қорғау үшін құм салынған тосқауылдар тұрғызды, ал Кентукки өзеніндегі су деңгейі көтерілгендіктен электр қуаты мен газ өшірілді.
Франкфорт мэрі Лэйн Уилкерсонның айтуынша, су деңгейі 14 метрге жетті және дүйсенбі күні таңертең шамамен 15 метрге жетуі мүмкін екені айтылды.
Синоптиктердің айтуынша, бірнеше штатта толассыз жаңбыр жауғандықтан, су тасқыны қаупі әлі де сақталады. Торнадо туралы ескертулер жексенбіде Алабама, Джорджия және Флорида штаттарының бөліктерінде күшінде болды.
Соңғы күндері кем дегенде 18 адам қайтыс болды, оның 10-ы Теннесси тұрғыны.
Ұлттық ауа райы қызметі жексенбіде штаттың көптеген аудандарында ғимараттарды, жолдарды, көпірлерді және басқа да маңызды инфрақұрылымды су басып қалуы мүмкін «жойқын су тасқыны» келуі мүмкін екенін айтты.
Кентуккидің солтүстігінде төтенше жағдай қызметкерлері Ликинг өзеніне жақын орналасқан Фалмут және Батлер қалаларының тұрғындарын эвакуациялауға бұйрық берді.
Еске сала кетейік, бұған дейін АҚШ-та торнадо кезінде 7 адам қаза тапқанын жазған болатынбыз.