АСТАНА. ҚазАқпарат - Павлодар облысының «Ақсу» футбол клубына бас бапкер қызметіне Вахид Масудов тағайындалды, деп хабарлайды ҚазАқпарат тілшісі.
Вахид Масудов 1959 жылы 10 қазанда дүниеге келген. 1977-1997 жылдарда Қазақстан, Ресей және Германия клубтарында доп тепті.
Тоқсаныншы жылдардан бастап еліміздің «Тараз», «Атырау», «Ақжайық», «Қайрат», «Восток», «Ордабасы», «Локомотив», «Ақтөбе», «Мақтарал» клубтарында бапкерлік қызметте болды. Сондай- ақ, 2001-2002 жылдарда ұлттық құрама тізгінін ұстады. Қазақстан жастар құрамасына да жетекшілік жасады.
Ол 2022-2023 жылдарда қарағандылық «Шахтер» және 19 жасқа дейінгі Қазақстан жасөспірімдер құрамасына жетекшілік жасады.
Айта кетсек, бұған дейін аталған қызметті атқарған украиналық маман Руслан Костышин қызметінен кетті.
Еске салсақ, бұдан бұрын Қазақстан кубогының ширек финалына шыққан барлық команда белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.