АСТАНА. ҚазАқпарат - Павлодар облысының «Ақсу» командасы бас бапкер Руслан Костышиннің қызметінен кеткені жөнінде ресми мәлімдеме жасалды, деп хабарлайды ҚазАқпарат тілшісі.
Бұл жөнінде команданың баспасөз қызметі мәлім етті.
Украиналық маман өткен жылдың қаңтар айында командаға жетекшілік етті. Былтыр Премьер-лиганы клуб алтыншы орынмен аяқтады.
Руслан Костышинмен бірге Виктор Ульяницкий, Владимир Аржанов және Андрей Федоренко сынды мамандар да қызметімен қош айтысты.
Команданың жаңа бапкерлер құрамы жөнінде жақын арада хабарланады.
Еске салсақ, бұдан бұрын «Жетісу» футбол клубының бас бапкері ауысты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.