АСТАНА. KAZINFORM — Ақсу-Жабағылы мемлекеттік табиғи қорығында орнатылған фототұзақтар жабайы жануарлардың табиғи ортадағы тіршілігін таспаға түсірді. Бұл туралы Орман шаруашылығы және жануарлар дүниесі комитеті мәлім етті.
Қорық мамандарының пікірінше, фототұзақтар жануарлардың қозғалысын, мінез-құлқын және мекен ету ерекшеліктерін бақылауға мүмкіндік береді.
Жиналған деректер биоалуантүрлілікті зерттеуге және табиғатты қорғау шараларын тиімді жоспарлауға көмектеседі.
Әрбір кадр – табиғаттың біз байқай бермейтін құпия тіршілігінен бір үзік сыр.
Айта кетейік, бұған дейін «Бұйратау» ұлттық паркінде қабан мен еліктер фототұзаққа түскен болатын.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)