АҚТАУ. KAZINFORM – Акция Мұнайлы ауданы Қызылтөбе ауылында жоспарланған. Тегін донер мен суши таратылатыны жөнінде фасфут дәмханасының иесі хабарлаған. Әлеуметтік желіде тараған бейнежазбада тұрғындар көп жиналып, бір-бірін таптап кете жаздады.
Оқиға орнына полицейлер келіп, жұртты сабырға шақырды.
Маңғыстау облыстық полиция департаментінің хабарлауынша, кәсіпкермен профилактикалық әңгіме жүргізілген.
Дәмхана иесінің айтуынша, ол адам көп жиналады деп ойламаған.
- Қызылтөбе ауылында тұрғындардың көп жиналуына байланысты, құқық бұзушылықтарды болдырмау үшін тегін тамақ таратылатын орынды өзгертіп, басқа ауылда өткізіп жібердік. Болашақта мұндай жағдайлар қайталанбайды. Кешірім сұраймын, - дейді кәсіпкер.
Бұған дейін, тегін донер таратқан ақтөбелік кәсіпкерге айыппұл салынғаны туралы жазған болатынбыз.
Аягөз Ізбасарова
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.