АСТАНА. KAZINFORM – Ауа райының қолайсыздығына байланысты 4 ақпан сағат 01:30-дан бастап «Ақтөбе – Қандыағаш – Доссор – Атырау – РФ шекарасы (Құрманғазы өткізу пункті)» автожолының 104-250 шақырым аралығындағы учаскесінде көліктің барлық түрлері үшін қозғалыс уақытша шектеледі.
- Аталған жол бөлігі Қандыағаш қаласынан Қарауылкелді елді мекеніне дейінгі аралықты қамтиды, - делінген ҚазАвтоЖол ақпаратында.
Жол қозғалысын 2026 жылғы 4 ақпан сағат 08:00-де қайта ашу жоспарланып отыр.
Қосымша ақпаратты тәулік бойы 1403 байланыс орталығына хабарласу арқылы алуға болады.
Айта кетейік, бүгін Қазақстанның 15 өңірінде ауа райына байланысты ескерту жарияланды.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.