Ақтөбе облысы әкімдігінің басқарма басшысы тергеуге алынды
15:55, 21 Мамыр 2020
НҰР-СҰЛТАН. ҚазАқпарат - Ақтөбе облыстық құрылыс, сәулет және қала құрылысы басқармасының басшысына қатысты тергеу амалдары жүргізіліп жатыр. Бұл туралы ҚР Сыбайлас жемқорлыққа қарсы іс-қимыл агенттігінен мәлім етті, деп хабарлайды ҚазАқпарат.
«Ақтөбе облыстық сыбайлас жемқорлыққа қарсы қызметі «Ақтөбе облыстық құрылыс, сәулет және қала құрылысы басқармасы» ММ басшысына қатысты лауазымдық өкілеттігін асыра пайдалану күдігі бойынша қылмыстық істі тергеуде», - делінген агенттіктің Telegram парақшасында жарияланған ақпаратта.