АҚТӨБЕ. ҚазАқпарат – Ақтөбе облысында екі адам суға батып кетті. Оның бірі балық аулауға шыққан, деп хабарлайды ҚазАқпарат тілшісі.
Төтенше жағдайлар департаментінен мәлім еткендей, Ақтөбе қаласында Сазды өзеніне 62 жастағы ер адам батып кетті. Ол отбасымен бірге демалысқа шыққан. Судан құтқарушылар денесін 2 метр тереңдіктен көтеріп алды.
«Тағы бір оқиға Қарғалы ауданында болды. 70 жастағы ер адам балық аулап жүріп, жағдайы нашарлап, құлаған. Оны куәгерлер алып шыққан. Қазір мән-жай анықталып жатыр», - деді облыстық ТЖД баспасөз қызметінен.
Айта кетейік, Ақтөбе облысында жыл басынан 25 адам суға батып кетті, оның төртеуі – бала.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.