АҚТӨБЕ. ҚазАқпарат – Ақтөбе қаласының іргесіндегі ауыл маңында сәбіз төгіліп, тұрғындар оны теруге барды. Әлеуметтік желі арқылы естіп-білген тұрғындарға полиция түсінік жұмысын жүргізді, деп хабарлайды ҚазАқпарат тілшісі.
Әлеуметтік желі арқылы ақтөбеліктер бір-біріне хабарлап , ауыл маңында төгілген сәбізді жинауға көп адам жиналған.
Кейін дәл сол сәбіз толы аумақта тракторлар көму жұмысын жүргізген.
«Полицияның бұл оқиғаға еш қатысы жоқ. «Пригородный» серіктестігі өз территориясына көктеп кеткен сәбізді төгіп тастаған. Бұл - жоюға арналған көкөніс. Теріп алуға барған адамдар мал азығына жиналған шөп маңында темекі шеге бастағанда қауіптеніп, полициядан көмек сұрады. Ал полиция түсіндіру жұмысын жүргізді», - дейді облыстық ПД баспасөз қызметінің жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.