АҚТӨБЕ. ҚазАқпарат – Ақтөбеде бір тәулікте 323 адамнан коронавирус инфекциясы анықталды. Әзірге шектеу шараларын күшейтуге қатысты жаңа қаулы шыққан жоқ, деп хабарлайды ҚазАқпарат тілшісі.
Эпидемиологиялық жағдайды бағалау матрицасына сәйкес облыс кеше «қызыл» аймаққа өтті.
«Бір тәулікте 323 адамнан коронавирус инфекциясы анықталды. Оның 197-і вирустың симптомды түріне шалдыққан. Ақтөбе қаласымен қатар Алға, Мәртөк, Мұғалжар, Темір, Ойыл, Хромтау, Шалқар аудандарында ауырып, ем іздегендер бар. Сонымен бірге қазіргі таңда 1218 адам үй карантинінде», - деп хабарлады Ақтөбе облыстық санитариялық-эпидемиологиялық бақылау департаментінің баспасөз қызметі.
Айта кетейік, бүгінге дейін 36 мыңға жуық адамнан COVID-19 анықталды. Оның 97,5% жазылды.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.