АҚТӨБЕ. ҚазАқпарат - Ақтөбе қаласындағы Рауан тұрғын үй кешені аумағында 50 жастағы Павел Шумейконың денесі табылды. Оны белгісіз адам көлігімен қағып, оқиға орнынан ізін суытқан, деп хабарлайды ҚазАқпарат облыстық ІІД баспасөз қызметіне сілтеме жасап.
Оқиға таңғы сағат 6:30-да тіркелді.
«Рауан ауылы маңында болған жол-көлік оқиғасының куәгерлеріне іздеу жарияланды. Көлік те, көлік иесі де белгісіз. Павел Шумейко көлік апаты кезінде алған жарақатынан қаза болды. Полиция қызметкерлері оқиға орнынан көліктің пластмасса сынықтарын алып, «ВАЗ-2107» көлігіне тиесілі екенін анықтады. Көліктің алдыңғы әйнегі де шытынауы мүмкін. Сондықтан осы оқиғадан қандай да бір хабары бар тұрғындар болса, полицияға хабар берулерін сұраймыз»,- деп хабарлады Ақтөбе облыстық ІІД баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.