АҚТӨБЕ. ҚазАқпарат – Ақтөбеде жел күшейіп, боран соғып тұр. Бірнеше жол жабылды, деп хабарлайды ҚазАқпарат тілшісі.
22 қаңтар сағат 13:45-те Ақтөбе – Орск тасжолы жабылды. Сонымен қатар Самара – Шымкент тасжолының Бекқұл баба ауылынан Хромтау қаласына дейінгі аумағына уақытша шектеу қойылды.
«Ауа райы күрт бұзылып, жел күшейді. Боран қатты. Қазір Ақтөбе – Атырау – Астрахань тасжолының Алға қаласынан Атырау облысы шекарасына дейінгі аралығы, Солтүстік айналма жол, Қандыағаш — Ембі — Шалқар — Ырғыз бағыты жабылды», - деді облыстық ТЖД баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.