АҚТӨБЕ. ҚазАқпарат - Ақтөбеде зейнеткерлерді алдаған 50 жастағы әйел ұсталды, деп хабарлайды ҚазАқпарат тілшісі.
Ақтөбе облыстық полиция департаментіне зейнеткерлерден шағым көбейді. Көшеде бейтаныс әйел көрші, танысы деп амандасып, сырғасының шешіліп кеткенін, тағуға көмектесетінін айтып, тонап кеткен.
«Ақтөбе полициясы 50 жастағы күдіктіні ұстады. Ол бұрын да осы ісі үшін сотталған. Барлығы 12 жәбірленуші танып отыр. Алдағы уақытта олардың қатары артуы мүмкін. Дәл осы жолмен алданғандардың хабарласуына болады», - деді облыстық ПД баспасөз қызметінің жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.