АҚТӨБЕ. ҚазАқпарат – Ақтөбеде 22 жолаушысы бар автобус аударылып қалды, деп хабарлайды ҚазАқпарат тілшісі.
Ақтөбе – Алға тасжолында жолаушылар көлігі аударылып қалды.
«Оқиға бүгін сағат 17:00-де болды. Ақтөбеден Алғаға бет алған автобус тайып кетіп, жол жиегіне аударылып қалған. Сол кезде жолда кезекшілікте жүрген полиция қызметкерлері көмек көрсетіп, жолаушыларды эвакуациялады. Бәрін Алға қаласына жеткізді. Автобус салонында 22 жолаушы болған. Бәрі дін аман», - деді облыстық ПД баспасөз қызметінің жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.