АҚТӨБЕ. ҚазАқпарат - Ақтөбе қаласындағы Орталық базардан өрт шығып, қызыл жалынды өшіруге 9 техника мен 79 адам жіберілді, деп хабарлайды ҚазАқпарат.
Ақтөбе қаласындағы Орталық базардан өрт шығып, әкімшілік ғимараттың 3-қабаты жанып кетті. Өрт аумағы - 160 шаршы метрді құрады.
«Сағат 16:36-да өрт тұтанғаны туралы хабарлама түсті. Оқиға орнына өрт сөндіру және авариялық құтқару қызметінің 9 техникасы мен 41 қызметкері барды. Сағат 17:13-те өрт сөндірілді. Зардап шеккендер мен қаза болған ешкім жоқ»,- деді облыстық ТЖД баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.