АҚТӨБЕ. ҚазАқпарат - Ақтөбеде 30 жастағы ер адамның туған-туыстары іздестіріліп жатыр, деп хабарлайды ҚазАқпарат тілшісі.
Тимур Бақытовтың Ақтөбенің жедел жәрдем ауруханасында жатқанына екі айдан асты. Ол мұнда қос аяғын үсік шалып түскен.
«1988 жылы туған Тимур Бақытов ауруханаға 2018 жылдың 16 желтоқсанында түсті. Ота жасалып, үсіп кеткен екі аяғы кесілді. Науқас сөйлеспейді, тек аты-жөнін айтады. Таныған, білген адамдардың хабарласып, байланыс жасауын сұраймыз», - деді облыстық жедел жәрдем ауруханасының бөлім басшысы Дина Тукешева.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.