АҚТӨБЕ. ҚазАқпарат - Ақтөбеде 31 жастағы Ерхан Тлеумбетов жоғалып кетті. Екі баланың әкесі соңғы рет базарда ақ түсті көлікке мініп кеткен, деп хабарлайды ҚазАқпарат тілшісі.
Ақтөбе қаласындағы 41 разьездің көтерме базарында ақ түстік көлікке мініп кеткен Ерхан Тлеумбетов үш күннен бері үйіне оралмаған. «3 тамыз күні 16:30- 17:00 аралығында бейтаныс адамдар менің інімді алып кеткен. Содан бері ешкім оны көрмеген, ол туралы естімеген. «Toyota Land Cruiser 200» көлігінің нөрімін анықтай алмай жатырмыз. Үш күннен бері жанымызды қоярға жер таппай жүрміз, көмектесіңіздерші», - деп жазды жоғалған жігіттің апайы Жанар Бақытқызы.
Туған-туыстары полицияға хабар беріп, Ерхан Тлеумбетовті іздеуді жалғастырып жатыр.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.