АҚТӨБЕ. ҚазАқпарат - Ақтөбе қаласында грек-рим күресінен ел біріншілігі өтеді. Эпидемиологтардың талабы бойынша спорт сарайына көрермен кіргізілмейді, деп хабарлайды ҚазАқпарат тілшісі.
Жекпе-жек сарайында өтетін ел біріншілігіне 23 жасқа толмаған ересектер қатысады.
Әр облыс командасында тек 18 спортшы болуы тиіс.
Олар 9 салмақ дәрежесі бойынша бақ сынайды.
«Спортшы, жаттықтырушы, төрешінің барлығында ПТР анықтама болуы тиіс. Егер анықтама болмаса, олар чемпионатқа қатыстырылмайды», - деді облыстық спорт және дене шынықтыру басқармасының баспасөз қызметкері Ерлан Мұқан.
Көрермен болмайды, бірақ онлайн көрсетіледі.
Жарыс 22-25 ақпан аралығында өтеді
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.