АҚТӨБЕ. ҚазАқпарат – Ақтөбеде қоғамдық көлік бағытын өзгертіп, дүкенге барып соғылды, деп хабарлайды ҚазАқпарат тілшісі.
Бүгін таңертең Ақтөбе қаласындағы Шернияз және Уәлиханов көшелерінің қиылынсында жол-көлік оқиғасы болды. №7 бағыттағы автобус алдымен қоршауға соғылып, кейін дүкенге соғылған.
«Автобус салонында жолаушылар болған жоқ. Ешкім зардап шекпеді. Қазір тексеру жүргізіліп жатыр. Жүргізушінің айтуынша, тежегіш істен шыққан», - деді облыстық ПД баспасөз қызметінің жетекшісі Ерболат Сарқұлов.
Айта кетейік, автобус соққан дүкенде балалар киімі сатылады. Оның терезесі қирады. Ал жанындағы ұялы телефон жөндеу орнының қасбеті бүлінді.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.