АҚТӨБЕ. ҚазАқпарат - Ақтөбеде жеңіл көлік халықаралық әуежай ғимаратына барып соқтығысты, деп хабарлайды ҚазАқпарат тілшісі.
«10 ақпан күні жеңіл көлік халықаралық әуежай ғимаратына соғылды. «Шкода» көлігін әйел басқарған. Осы дерек бойынша жүргізушіге сараптама жасалып, оның ішімдік ішпегені анықталды. Оқиғадан ешкім зардап шекпеген», - деп хабарлады облыстық департаменттің баспасөз қызметі.
Айта кетейік, әуежайға соқтығысқан көліктің суреті әлеуметтік желіге тарап кетті.
Фото әлеуметтік желілерден алынды
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.