АҚТӨБЕ. ҚазАқпарат - Ақтөбеде 42 жастағы әйел рульге ие бола алмай, көлік аударылып қалды. Жүргізуші ауруханаға түсті, деп хабарлайды ҚазАқпарат тілшісі.
Оқиға 6 қараша күні сағат 09:20 шамасында «Ақтөбе-Болгарка-Шұбарқұдық» автожолында болған.
«Mitsubishi Lancer» автокөлігінің 42 жастағы жүргізушісі Ақтөбе қаласынан Шұбарқұдық кентіне бағыт алған.
«Алға ауданы Қарақобда кентінің жанында рульді басқара алмай, сол жаққа қарай аударылған. Жол-көлік оқиғасы салдарынан жүргізуші әйел Ақтөбе қаласының жедел медициналық көмек көрсету ауруханаға жатқызылды. Полиция департаменті жол ережелерін сақтау керектігін ескертеді»,- деді облыстық ПД баспасөз қызметінің жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.