АҚТӨБЕ. ҚазАқпарат - Ақтөбеде медициналық бетперде киген үш адам шаруа қожалығының жұмысшысын байлап кетті. Қарақшылар көп ұзамай ұсталды, деп хабарлайды ҚазАқпарат тілшісі.
Полицияға қарақшылық шабуыл жасалғаны туралы ақпарат түсіп, жедел ұстау шарасы өтті.
«Медициналық бетперде киген адамдар шаруашылық жұмысшысын пышақпен қорқытып, кейін екі қолын байлаған. Екі қойды алып кеткен. «Ваз» маркалы көлікпен белгісіз бағытқа кетіп қалды. Жедел ұстау шарасы кезінде Ақтөбе қаласының Ақжар елдімекенінен «Ваз 21012» маркалы көлік тоқтатылды. Көліктен қой мен бетперде табылды. Осы іске қатысты Қылмыстық кодекстің «Қарақшылық» бабы бойынша іс қозғалды», - деп хабарлады облыстық полиция басқармасының баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.