АҚТӨБЕ. ҚазАқпарат - Ақтөбеде мектеп түлегі Азат Дүсіповты пышақтап өлтірген күдікті қамауға алынды. Қазіргі уақытта Қылмыстық кодекстің «Адам өлтіру» бабы бойыншы іс қозғалды, деп хабарлайды ҚазАқпарат тілшісі.
Ақтөбе қаласындағы №19 орта мектеп түлегі Азат Дүсіпов пышақ жарақатынан көз жұмды. Бұған дейін хабарлағанымыздай, оқиға маусым айының 17-нен 18-не қараған түні Ақтөбе қаласының Тургенев көшесінде болған.
«Ақтөбе қалалық №2 сотының 2018 жылғы 20 маусымдағы Қаулысымен ҚР Қылмыстық кодекстің «Адам өлтіру» бабының 2-тармағы бойынша күдікті ретінде танылған кәмелет жасқа толмаған Б. қатысты «күзетпен ұстау» түріндегі бұлтартпау шарасы санкцияланды»,- деп хабарлады облыстық соттың баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.