АҚТӨБЕ. ҚазАқпарат - Ақтөбеде 7 жастағы Інжу Жанкинаның өлімінен соң жедел жәрдемнің бас дәрігері Тілеу Сапаров өз еркімен қызметінен кетті, деп хабарлайды ҚазАқпарат тілшісі.
«Бас дәрігер өз еркімен жұмыстан кетті. Ұжымға Марат Жанқұлов таныстырылды. Ол бұрын жедел жәрдем ауруханасы бас дәрігерінің орынбасары, дәрігер-реаниматолог болып жұмыс істеді», - деп хабарлады облыс әкімінің баспасөз қызметі.
Еске салсақ, 7 жастағы Інжу Жанкина жедел жәрдем жетпей көз жұмды. Ақтөбе облыстық денсаулық сақтау басқармасы арнайы комиссия құрып, жедел жәрдемнің кеш жеткенін, дәрігер мен диспетчер тергеу аяқталғанша жұмыстан шеттетілгенін жеткізді. Ал кеше Інжу Жанкинаның тағы екі бауыры ауруханаға түсіп, ем қабылдап жатқаны белгілі болды.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.