АҚТӨБЕ. ҚазАқпарат - Ақтөбеде автобус қар құрсауында қалды. Өзбекстандықтар мінген автобус ішінде үш бала бар, деп хабарлайды ҚазАқпарат тілшісі.
19 қаңтар күні сағат 11:55-те Мәртөк аудандық құтқару бекетіне ауыл тұрғыны хабарласты. Мәртөк ауданы, Байнасай ауылы маңында «Neoplan» маркалы автобус жолда қалған. Жолды ашуға жауапты мердігер компания, К-700, учаскелік инспектор барып, автобус ішіндегі 57 жолаушыға көмектесті. Оның үшеуі - бала.
«Бәрі - Өзбекстан азаматы. Арасында 7 әйел бар. Ешкім зардап шеккен жоқ. Автобус бұзылмаған. Олар ыстық тамақтан да бас тартты. Тек қар құрсауынан шығуына көмек көрсетілді», - деді облыстық ТЖД баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.