АҚТӨБЕ. ҚазАқпарат – Ақтөбе қаласындағы Батыс-2 шағын ауданында көпқабатты үйлердің бірінде пәтерден өрт шықты. 12 жастағы жеткіншекке алғашқы медициналық көмек көрсетілді, деп хабарлайды ҚазАқпарат тілшісі.
Бүгін сағат 11:21-де облыстық төтенше жағдайлар департаментінің кезекші бөліміне шақырту түсті. Батыс-2 шағын ауданындағы көпқабатты үйлердің біріндегі пәтерден өрт шықты. Оқиға орнына 12 адам мен 4 техника жіберілді.
«Өрт сөндірушілер жеткен кезде тұрмыстық заттардың және төбенің жанғанын көрді. Арнайы баспалдақтың көмегімен 2 адамды құтқарып, 9 адам эвакуацияланды. Сонымен бірге 12 жастағы қызға алғашқы медициналық көмек көрсетілді. Қазіргі кезде өрттің шығу себебі анықталып жатыр», - деп хабарлады облыстық ТЖД баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.