АҚТӨБЕ. ҚазАқпарат – Ақтөбенің орталық көшесінде белгісіз біреу жасөспірімнің 7 мың теңге ақшасын алып кеткен. Күдікті ұсталды, деп хабарлайды ҚазАқпарат тілшісі.
«Қобланды батыр атындағы орталық стадионның жанында белгісіз біреу колледж студентін бопсалаған. Ұрған, жарақаттаған. Оның 7 мың теңгесін алып кеткен. Нақтырақ айтқанда, жәбірленуші ақшаны екінші деңгейдегі банктердің бірінің онлайн қосымшасы арқылы аударған. Ал 7 қыркүйек күні жәбірленушінің әкесі полицияға жүгінді», - деді облыстық ПД баспасөз қызметінің жетекшісі Ерболат Сарқұлов.
Жедел іздестіру іс-шарасы барысында 16 жастағы күдікті анықталды. Сотқа дейінгі тергеу басталды. Жәбірленуші мен күдікті кәмелет жасқа толмаған, екеуі де ата-аналарына берілді.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.