АҚТӨБЕ. ҚазАқпарат - Полиция қызметкерлері Тәжікстан азаматының денесін Қарабұтақ медициналық-құтқару бекетіне жеткізген, деп хабарлайды ҚазАқпарат тілшісі.
«5 қараша күні сағат 06:40-та полиция қызметкерлері Тәжікстан азаматын медициналық-құтқару бекетіне жеткізді. 63 жастағы Хучамурод Баеновтың өлім себебі анықталып жатыр. Денесінде зорлық-зомбылық белгісі анықталмады. Ол Ресейден Тәжікстанға бағыт алған автобус ішінде болған. Автобус іші жылы, үсіп кетуі мүмкін емес», -деп хабарлады облыстық ТЖД баспасөз қызметі.
Автобус Ырғыз ауданы маңында жолдың ашылуын күтіп тұрды.
Айта кетейік, кеше Самара -Шымкент тасжолында жүздеген көлік тұрып қалды. ТЖД құтқару жұмыстарын жүргізіп, кеше кешке жеңіл көліктің жүруіне рұқсат берді.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.