АҚТӨБЕ. ҚазАқпарат - Ақтөбеде 7 жастағы баланы көлік қағып кетті. Ол жолды белгіленбеген жерден кесіп өтпек болған, деп хабарлайды ҚазАқпарат тілшісі.
«34 жастағы «Volkswagen Passat» маркалы автокөлік жүргізушісі Ақтөбе қаласының Жанқажа батыр және Асау Барақ көшелерінің қиылысында 7 жастағы баланы қағып кетті. Бала оқиға орнында қаза болды. Жол-көлік оқиғасы сотқа дейінгі тергеу реестріне тіркелді. Қылмыстық іс қозғалды», - деп хабарлады Ақтөбе облыстық ІІД баспасөз қызметі.
Айта кетейік, осы оқиғаға байланысты Қылмыстық кодекстің «Көлік құралдарын басқаратын адамдардың жол ережесі немесе көлік құралдарын пайдалану қағидаларын бұзуы» бабы бойынша іс қозғалды.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.