АҚТӨБЕ. ҚазАқпарат – Ақтөбе-Орск тасжолы бойындағы ауыл маңында жолды кесіп өтпек болған жаяу жүргінші көз жұмды, деп хабарлайды ҚазАқпарат тілшісі.
Ақтөбе-Орск тасжолымен келе жатқан «Lada» автокөлігінің 36 жастағы жүргізушісі жылдамдықты бәсеңдетпей, жолды кесіп өтпек болған адамды қағып кетті. Көлік қағып кеткен 42 жастағы тұрғын сол жерде көз жұмды.
«Жол-көлік оқиғасына байланысты Қылмыстық кодекстің «Жол қозғалысы ережесін бұзу» бабы бойынша тергеу басталды. Жыл басынан бері жаяу жүргіншілердің қатысуымен 141 оқиға тіркелді. Онда 11 адам көз жұмса, 135-і түрлі дәрежеде жарақат алды», - деді облыстық ПД баспасөз қызметінің жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.