АҚТӨБЕ. ҚазАқпарат - Ақтөбедегі түзету мекемесінде 148 адам таңдауын жасап, аз уақытта дауыс беру аяқталды, деп хабарлайды ҚазАқпарат тілшісі.
Ақтөбедегі КА 168/1 түзету мекемесінде қамауға алынған, сот үкімі заңды күшіне енбеген, 18 жасқа толған азаматтар өз дауысын берді.
"Түзету мекемелерінде 250-ге жуық адам бар. Оның 148-і дауыс беруге құқылы. Сайлау учаскесі өз уақытында ашылып, түзету мекемесінде отырғандар аз уақытта өз таңдауы жасады", - деді тергеу мекемесі бастығының орынбасары Сабыржан Нұртазин.
Айта кетейік, Ақтөбе облысында 529 сайлау учаскесі бар. Оның 150-і облыс орталығында. Қазір дауыс беру жалғасып жатыр.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.