Ақтөбе қаласындағы Солтүстік айналма тасжолдың 3 шақырымында, яғни, Ақшат ауылының маңында жол-көлік оқиғасы тіркелді. «Дэу Нексия» маркалы автокөлігінің жүргізушісі, Өзбекстан азаматы ауа райын ескермей, жолдың тайғақ учаскесінде қарама-қарсы бағытқа шығып, «Тойота Камри-55» автокөлігімен соқтығысқан. Жол-көлік оқиғасы кезінде «Дэу Нексия» автокөлігінің жүргізушісі оқиға орнында көз жұмды.
«Барлығы 6 адам Ақтөбе қаласындағы жедел жәрдем қызметі ауруханасына әртүрлі дене жарақатымен жеткізілді. Ақтөбе облыстық полиция департаменті жолда ережені қатаң сақтауды ескертеді. Сондай-ақ қала мен аудандардан тыс жерлерге шыққанда жол-метеорологиялық жағдайларды назарға алуды сұраймыз», - деді облыстық полиция департаменті баспасөз қызметінің жетекшісі Ерболат Сарқұлов.