«Прокуратура органдары күзгі дала жұмыстарына ауыл шаруашылығы тауарын өндірушілерге арнап арзандатылған отынды мақсатқа сай пайдалану деректері бойынша тексеріс ұйымдастырды. Нəтижесінде бүгінгі таңда оны коммерциялық мақсатта пайдалану фактілері анықталды», - деп жазады Бас прокурор.
Қазір осындай заңсыздыққа барған өңірлік оператордың үстінен қылмыстық іс қозғалып жатыр.
Атап айтқанда, Ақтөбе облысында өңірлік оператор – «Батыс Жер» ЖШС өз жанар-жағармай құю стансалары арқылы 2 982 тонна көлемінде жеңілдетілген отынды сатқан.
«Аталған факті бойынша Экономикалық тергеу департаменті Қылмыстық кодекстің 221-бабы (монополистік қызмет) бойынша сотқа дейінгі тергеп-тексеруді жүргізуде. Бұл жұмыс жалғасады», - деп жазылған жауапта.