АҚТӨБЕ. ҚазАқпарат - Ақтөбеде полиция қызметкерлері иесіз қалған екі сөмкеден жарылғыш зат іздеді. Екі оқиға да «Сапар» автовокзалы мен сол маңдағы автотұрақта болды, деп хабарлайды ҚазАқпарат тілшісі.
Кеше сағат 12:00-де полицияның 102 нөміріне «Сапар» автовокзалының күту залында иесіз сөмке жатқаны туралы хабарлама түсті. Оқиға орнына барлық шұғыл қызмет тобы барды. Саперлар ғимарат ішін қарап шығып, жарылғыш зат таппады. Ал сөмке 29 жастағы жігітке тиесілі болып шықты.
«Сағат 14:30-да тағы да хабарлама түсті. Бұл жолы «Сапар» автовокзалы маңындағы автотұрақта иесіз спорттық сөмке жатқаны туралы айтылды. Оқиға орнына полиция қызметкерлері барды. Сөмкені біреу ұмыт қалдырған. Ішінен тек жеке заттары табылды», - деп хабарлады облыстық ПД баспасөз жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.